Yn sgil yr adroddiad diwethaf gan Barti Gwladwriaeth y Deyrnas Unedig ac ar ôl i Sylwadau Cau Pwyllgor y Cenhedloedd Unedig ddod i law, mae Llywodraeth Cynulliad Cymru wedi bod yn cydweithio’n agos â’r Grwp o NGOs sy’n Monitro’r CCUHP, Comisiynydd Plant Cymru a phartneriaid cenedlaethol a lleol eraill i ddatblygu ymagwedd gydlynol at fwrw ymlaen i roi’r Confensiwn ar waith dros y pum mlynedd nesaf a hynny drwy gytuno ar Gynllun Gweithredu CCUHP ar gyfer Cymru ‘Gwneud Pethau’n Iawn’.
Bydd hyn yn rhan o gynllun gweithredu ehangach ar gyfer y Deyrnas Unedig (yn unol â’r argymhelliad ym mharagraff 15 o sylwadau cau y CRC). Cytunwyd gyda’r partneriaid mai’r blaenoriaethau y cytunwyd arnyn nhw i Gymru fydd asgwrn cefn y cynllun gweithredu sydd wedi’i gynhyrchu. Bydd hyn yn sicrhau bod y cynllun yn realistig, yn gyraeddadwy ac yn berthnasol i flaenoriaethau Cymru.
Bydd y Datganiad o Fwriad y Deyrnas Unedig a Chynllun Gweithredu Cymru yn cael eu lansio ar 20 Tachwedd 2009 i gyd-fynd ag Ugeinfed Pen-blwydd yr CCUHP a Diwrnod Byd-eang y Plant. Bydd Cynllun Gweithredu Cymru’n cael ei lansio’n swyddogol yn ystod dathliad bach yn y Senedd ar 20 Tachwedd.
Rydyn ni’n gwybod mai isel yw’r ymwybyddiaeth o’r CCUHP yng Nghymru. Oherwydd hynny, rydyn ni wedi dechrau edrych ar ffyrdd i wneud mwy o bobl yn ymwybodol ohono. Fel cam cyntaf, rydyn ni wedi casglu nifer o adnoddau defnyddiol a all eich helpu i godi ymwybyddiaeth o’r CCUHP ac mae hyn yn cynnwys y pecyn cymorth hwn sy’n gallu helpu pawb i ddysgu mwy am y Confensiwn.
Rydyn ni wedi bod yn cydweithio â nifer o sefydliadau a grwpiau dros y misoedd diwethaf i dreialu’r pecyn cymorth codi ymwybyddiaeth. Gweld enghraifft o’r pecyn cymorth yn cael ei ddefnyddio.
Rydyn ni wedi ymrwymo i weithio mewn partneriaeth i sicrhau bod hawliau plant a phobl ifanc yn realiti yng Nghymru. Dyma ddolenni sy’n cysylltu â rhai o’r partneriaid rydyn ni’n cydweithio’n fwyaf agos a nhw
Mae croeso i unrhyw awgrymiadau sydd gennych am sut y gallen ni wneud y pecyn cymorth codi ymwybyddiaeth yn well byth. Rydyn ni wrthi’n ystyried datblygu amrediad cyfan o adnoddau yn y maes hwn, felly cadwch eich llygaid yn agored!
Cyn hir bydd blog gennyn ni ar y wefan lle gallwch weld yr adborth i gyd. Mae ffurflen adborth ar gael yma.
Cyn hir bydd blog gennyn ni ar y wefan lle gallwch weld yr adborth i gyd. Mae ffurflen adborth ar gael yma.